Quisti dí cürt, dí d’autün,
A sügerissan nòcc tròpp lungh
Da passá da par nüm
Carmen,
Anuiada sura l’utumana
Gira i did sóta la sutana
Ul rimpiant l’è na béstia strana
Carmen,
Quanti segréti a t’é scundüü
Cumè curtéi dénta i lenzöö:
Parchè m’ét mai taiaa fö?
Chissà se sa pò
Tirass fö la maia e mes’ciá i cicatrís?
Chissà se sa pò,
E se Díu l ma cuncéd da lecatt i feríd?
Stréngium e pizza mía ul ciar
Nüm a sa ipnutizum a fissass
A gh’ém un’ánima a spirál
E mí gh’u un còsmo dénta i ball
Ma Carmen,
Sém astronáuti dénta l vöi
E l sém che la gravitá
A l’è véss ispusaa
Chissá se al tò óm
Ga disarét mai che dòrmi cun tí
Chissá se l tò óm
Al sa d’avégh un fiöö idéntich a mí
Stréngium e pizza mía ul ciar
Quisti dí cürt, dí d’autün,
A sügerissan nòcc tròpp lungh
Da passá sénza tus