A pensavi mía che dissedass
Al pudéva fa inscí maa
L’è staia una guèra
Cul nemís dénta in cá
Ma l’è mía l pügn o la pesciada:
Urmái sénti pü nagótt
Parchè nala vita sa pò s’cepass
Ma anca rimétt inséma i tòcch
Se l vör dí par ti la parola “amúr”
Se ta riessat mía a fermass?
Ta l sét se l vör dí par mi “fá tütt giüst” ?
Non lo sai…
Implurá pietá? Dumandatt iscüsa?
E ala fin vergugnám da mi
Ti cul sangh in di öcc e i fiöö a scöla
Gh’eva nissün che pudéva sentí
Se dòpu na viulénza a résta l silénziu
Al vör dí ch’ém sbagliaa queicòss
Parchè stu retacc l’è inscí dificil
Da töss vía da dòss?
Ma quéla nòcc cumè un suldaa
Ta suridévi anca se sévi in tèra
L’è staia la nòcc che la dignitá
L’a vingiüü la guèra