Dam sciá un bücér
Mi sun un pirata
Che l’è stai bütaa in mar
Ma l dí prima al lavurava in banca
Sun al timún da nagótt
Ta gh’é un róss da regalám?
Incöö l’è l mè cumpleann
Dam sciá un bücér
Che brindo a chi ha il potere
Da fá n timbru sü na dumanda
E pö dí “le faremo sapere”
In balía da sti und
Nausea e avégh cinquant’ann
Incöö l’è l mè cumpleann
Dam sciá un bücér
Che incöö sévi stüff
Da viagiá sü quésta barca
In un bósch fai da gratacüü
La disan tütt ma la fá nissün
Mi sun nai fö dala banca
A festegiá l cumpleann
Dam sciá un bücér
Che sun dabún un pirata
U cunquistaa l mè tesòr:
La dignitá par chi l’è in mèzz a na strada
U cargaa l füsíl
E ma sun fai un regall
Par ul mè cumpleann
Dam sciá un bücér
A gh’u mía prèssa da ná vía
L’è impurtant che ta ma scultat
Prima che riva la pulizzía
Sun un malaa terminál
Ta gh’é un róss da regalám?
Par ul mè ültim cumpleann